فمان الله سافر وانته بقلبي هنا موجود.. روح القصيد

\


روح القصيد
شيلة رائعهـ ( للنداوي )
كلمات الشاعر (الشاطري


فمان الله سافر وانته بقلبي هنا موجود
فمان الله ياروح القصيــد وعطر قيفــاني

اسوق لك الغلا في كل ديرة مع هبوب النود
تصافق به اعاصير المحبه وسط وجداني

سرى في عيني البارق وفي قلبي تحن رعود
تنثر مع مطرها طاح به رمشيء على اجفاني

سطا حبك على كامل سمايه والنجوم شهود
ينور ماضي وحاضر على فرقاك بكاني

اثاري حبك بقلبي على طاري الفراق يزود
تحن له الضلوع وينفجر بالجوف بركاني

عسا ربي يصبر امي ومعها ابوي العود
وعسا ربي يصبر صاحبك مدعوج الاعياني

ويزيد الصبر بعيالك وحبلك يالرجا ممدود
وعسا ربي يصبرني وهم الوقت يجفاني

يسلي خاطري رمز الوفا تاجه صبي الجود
مدام الشيخ راضي طيب بتنزاح الاحزاني

وعني ينجلي همي بعد شوفة اخوي سعود
عساكم طيبين بكل وقت وكل الازماني

وانا في كل وقت بدعي الله ربنا المعبود
ابدعي واحداً في كل ملكه مامعه ثاني

عسا الله مايخيب من بذل في رحلته مجهود
وطرس الكسل والحمل شاله فوق الامتان

مدام انه رحل من عندنا وسط الليالي السود
يدور نور علم ومعرفه من خارج اوطاني

عسا التوفبق يكتب له وينهي رسالته ويعود
عسا الفرحه تدوم و تكتمل في شوفة اخواني

متى ترجع يابوخالد وابخر دارنا بالعود
واشوفك شوف بعيوني واضمك وسط الاحضاني

وانا ياصاحبي ماقلت لك هذا وفيه مردود
هذا تعبير قلبي ثبته لك منطق لساني


رابط تحميل القصيدهـ


\


اتمنى ترتقي لذائقتكم