والطيب كانـك مادرستـه ندرسـك

عج الدخن من بندق الشعـر هالحيـن
عن ضغطة زناده من العام حارسـك


نمشي على ممشى الكرام العزيزيـن
وانت بغرورك زايـدات وساوسـك


ياللي تظن انـك تخفـى علـى ميـن
نشم ريح العفن.. لـو يدهـن المسـك


غرّك بشر محتـاره تريحـك ويـن
ونفوسها يا ضعـف أهلهـا تقدسـك


من يوم صرنا عـن بعضنـا بعيديـن
قلـت هواجيسـي وكثـرت هواجسـك


ترجم لي نجـوم القوافـي شياطيـن
دامك رقيت بزور بالحـق أخفسـك


المرجلـه مـا تنشـرى بالملايـيـن
والطيب كانـك مادرستـه ندرسـك!


اسمع كلامي يافتـى وأحفظـه زيـن
بعض السوالف تضحكـك.. ماتونسـك


أحذر خويٍِ له مـع النـاس وجهيـن
يرميك باقـرب مشكلـة.. مايحسسـك!


وأحذر من اللي خوته.. بـس يوميـن
كانه قضى مـن حاجتـه .. مايجالسـك


وأحذر خوي يبـدي المبسـم الزيـن
ولـو بكيفـه.. كـان يآخـذ تـــنـفـسـك


وأحذر تماشي من مزاجـه تلاويـن
إن مرته عنـزه كـذا مـا يخامسـك


وأحذر ترى دروب الرجاجيل نوعين
يالعز لـك ملبـاس ..بالـذل ملبسـك


بعض الرفاقة تدفعـك عـن ردييـن
وبعض الرفاقة مـن رداهـا تنكسـك


ترى الخوي اللي يخاوي على الديـن
اللي لفعـل الخيـر... دايـم يحمسـك


رجل كريم ومـن رجـال كريميـن
ما يلمسك بالقـول.. بالفعـل يلمسـك


هـذي نصايـح قلتـهـا لـ الفهيمـيـن
والا أنت لوبك خير.. فعلك منومسـك


إن شفت في هرجي به الخبث تضمين
إن جيتني منجسك وان رحت منجسك


ما زدت أنا بالقـول.. والعيـن بالعيـن
يا طامسٍ ٍ علـم المراجـل بـ طامسـك


ولاني بكاسب ذنب من شخص.. مسكين
والذنب ذنب اللي بـ صبخـاه غارسـك


عندي فراق الموت.. فرقـى الوفييـن
وفراق من بالطيـب علمـه منافسـك


ولا يغبن الرجـال يـا كـود ثنتيـن..
والاّ كثير اللي مع الوقـت عاكسـك


إن سيرت طعنة ظهـر مـن قريبيـن
وإن حـدت الدنيـا لنـذل يتـرأسـك


تطلع على طيور البواشـك شياهيـن
وتفرق مدارس فزعتي عن مدارسـك


ولاني مقصر معـك خليتـك اسنيـن
ما آنت بكفو لأن الردى هو مأسسـك


ولني مـن رجـالٍ تضـد المعاديـن
أفعالهـم للوقـت هــذا تلامـسـك


ولني من شيـوخٍ تعـدل الموازيـن
أرفع مقامي عن مقامـك لا اجالسـك

\


للشاعر محمد الشراري

وش هو الشعر..!؟

وش هو الشعر..؟


الشعر .. لامنه ظهر .. صادق إحساس
دش القـلـوب .. العاشـقـه .. والخـلـيّـه

والشعر .. عذبه كذب .. لادق الأجراس
والشـعـر مـالـه يــا جـمـاعـه .. هـويّــه

أعـوذ بـك يـاربْ مــن شــر .. الأنـجـاس
ومن النفوس .. اللـي لهـا حقـد .. نيّـه

وأعـوذ بـك مـن كـل وســواس خـنـاس
حتـى .. العيـون اللـي تناظـر .. علـيّـه

والشعـر .. عنـدي لـه محـلٍ ومجـلاس
يـامـا .. تعـنـا لــي .. بـجـيّـه .. وجـيّــه

أحتاجـه .. بوقـتٍ بــه تضـيـق الأنـفـاس
وأشـعـر .. فزعـاتـه .. مـعــي داخـلـيّـه

وأحتاجـه .. بفـرحـات وأعـيـاد واونــاس
وياقـف مـعـي .. مـثـل الـخـوي لخـويّـه

بعـض المواقـف .. مالهـن غيـره قيـاس
وبعـض السوالـف .. لـه معـاهـن بقـيّـه

لـولاه ،، مـا يـدري المهلهـل بجسـاس
ولــولاه ،، مــا احــدٍ حــس بالعـامـريّـه

إن زارني ،، كل الفضا ،، صـار قرطـاس
واطـيـر لــه ،، مـــع قـــوة .. الجـاذبـيّـه

أرفـض حيـا .. لا احـدده بيـن الأقــواس
لانـــه غـريــبٍ .. صـــار مــنــي وفــيّــه

أرفـع مقامـه .. عـن تفـاهـات الأدنــاس
واجـنـبــه .. بــعــض الـعـلــوم الــرديّــه

أحـيـان أشـبّـه للمخالـيـق .. مقـبـاس
وأحـيــان أحـطــه .. بـالـعـروق الـنـديّـه

منهم .. أشوفه مثل واحـد مـن النـاس
ومنـي ،، أحسّـه أقـرب الخلـق .. لـيّـه

\

محمد الشراري

فمان الله سافر وانته بقلبي هنا موجود.. روح القصيد

\


روح القصيد
شيلة رائعهـ ( للنداوي )
كلمات الشاعر (الشاطري


فمان الله سافر وانته بقلبي هنا موجود
فمان الله ياروح القصيــد وعطر قيفــاني

اسوق لك الغلا في كل ديرة مع هبوب النود
تصافق به اعاصير المحبه وسط وجداني

سرى في عيني البارق وفي قلبي تحن رعود
تنثر مع مطرها طاح به رمشيء على اجفاني

سطا حبك على كامل سمايه والنجوم شهود
ينور ماضي وحاضر على فرقاك بكاني

اثاري حبك بقلبي على طاري الفراق يزود
تحن له الضلوع وينفجر بالجوف بركاني

عسا ربي يصبر امي ومعها ابوي العود
وعسا ربي يصبر صاحبك مدعوج الاعياني

ويزيد الصبر بعيالك وحبلك يالرجا ممدود
وعسا ربي يصبرني وهم الوقت يجفاني

يسلي خاطري رمز الوفا تاجه صبي الجود
مدام الشيخ راضي طيب بتنزاح الاحزاني

وعني ينجلي همي بعد شوفة اخوي سعود
عساكم طيبين بكل وقت وكل الازماني

وانا في كل وقت بدعي الله ربنا المعبود
ابدعي واحداً في كل ملكه مامعه ثاني

عسا الله مايخيب من بذل في رحلته مجهود
وطرس الكسل والحمل شاله فوق الامتان

مدام انه رحل من عندنا وسط الليالي السود
يدور نور علم ومعرفه من خارج اوطاني

عسا التوفبق يكتب له وينهي رسالته ويعود
عسا الفرحه تدوم و تكتمل في شوفة اخواني

متى ترجع يابوخالد وابخر دارنا بالعود
واشوفك شوف بعيوني واضمك وسط الاحضاني

وانا ياصاحبي ماقلت لك هذا وفيه مردود
هذا تعبير قلبي ثبته لك منطق لساني


رابط تحميل القصيدهـ


\


اتمنى ترتقي لذائقتكم