لكن ضميرك كيف جبر انكساره

في حرف جر وخاطري إسم مجرور	بالكسره اللي قدّرتها عباره
جت من غشيم ، وقلت عادي ومعذور	وجت من حكيم وقلت لاواخساره
حاولت أصنّفها ضريبه على النور	لكن بدون اشعار صارت شراره
هّبت رياح الظلم واستلهب الجور !!	وجارى دخَنْها عاشقين الاثاره
فهمت منها كيف يتكوّن الزور	من نشأته حتى حدود انتشاره
وعرفت كيف اضحك وانا اموت مقهور	لامثّل الكذاب مشهد وقاره
يعني شطاره قال أنا فاهم الدور	مايدري ان الدور ماهو شطاره
يجبر كسر بيتك إذا كان مكسور	لكن ضميرك كيف جبر انكساره